DEO-in hearing tihna hmun a tlawh

Siaha district election officer VL Hruaizela Khiangte, bawrhsap chuan Electoral Roll Special Intensive Revision (SIR) 2026 neih mekah nimin khan Thosai leh Siaha College Vaih II-a hearing tihna hmun a tlawh a; party hamṭhatna duh vanga electoral roll-a chuang thei lo tur thun an nih loh nana venpui turin khawtlang hruaitute a sáwm.

Siaha DEO chuan, draft electoral roll-a awm tur dik tak an awm a, awm loh turte paih chu Electoin Commission of India-in a ngaih pawimawh thu a sawi a, "Hearing hi mahni dikna humhimna hun ṭha a nih angin ngaih pawimawh a ṭul a, siam dik ngai a awm chuan tihdik a ṭul. Party hamṭhatna duh vanga roll-a chuang thei lo tur thun an nih loh nan fimkhur hle a ṭul," a ti.

SIR 2026 kalpui mekah electoral registration officer (ERO)-te leh assistant ERO-te chuan district hrang hrangah hearing an nei mek a; hearing-ah hian draft roll-a rinhlelhawmte chu koin, insawifiahna hun pek an ni.