Police-in hmun hnihah ruihhlo man

Mizoram Policce chuan August 1, Inrinni khan hmun heroin leh methamphetamine eng emaw zat an man a; police station-ah thubuai an ziak lut.

Champhai police-te chuan August 1 chawhma dar 11:30 vel khan Khankawn Check Gate-ah Aizawl pana tlan mexicab pakhatah Vanlalmuana (27), Shanmyo, Tahan, Myanmar hnen aṭangin heroin hawng 10 (gram 118) an man a; Champhai Police Station-ah NDPS Act leh Immigration and Foreigners Act, 2025 tlawhchhanin thubuai an ziak lut.

August 1 chawhnu dar 1:30 velah Champhai police-te chuan Vanlalruatsaka (32), Melbuk nia inchhál khalh truck MZ-04 8669 aṭangin methamphetamine kg 9.76 an man bawk a, NDPS Act tlawhchhanin thubuai an ziak lut a, an chhui zui zel bawk.

Mizoram Police-a Special Narcotics Police Station-a thawkte chuan Zemabawkah Mahindra Bolero pick-up AS-11 GC-4767-a chuang Hussain Ahmed Laskar (23) leh Noor Ahmed Laskar (34), Cachar district, Assam ve ve nia inchhalte hnen aṭangin heroin gram 241.21 an man a; NDPS Act, 1985 hnuaiah thubuai an ziak lut a ni.