KHAWTHLIR

Bungrua hlân

Adviser to CM Dr Lorrain Lalpekliana Chinzah, Lawngtlai East bialtu MLA chuan nimin khan District Catalytic Intervention Plan kaltlangin Lairam Nursing School hnenah computer 10 bakah, projector, screen bakah inverter pakhat ṭheuh a hlan. Bungruate hi Rs 6,00,000 man a ni.

Minister-in hmanpui

Minister of state Prof. Lalnilawma chuan nimin khan Kawnpui VC-III Complex-ah Kawnpui Zone Volleyball Championship khârna a hmanpui. Minister chuan, ṭhalaite ruihhlo laka an fihlim theih nan infiamna a pawimawh thu a sawi a, infiamna lam uar zel tur leh ruihhlo laka fihlim turin ṭhalaite a chah.

IMPCC ṭhukhawm

Inter Media Publicity Coordination Committee (IMPCC) chu nimin khan Aizawla Press Information Bureau (PIB) conference hall-ah an ṭhukhawm a, sorkar scheme leh hmalakna hrang hrang mipui hnena puanzar kawnga hmasawn dan tur sawiho a ni. IMPCC ṭhuutkhawm hi Doordarshan Kendra, Aizawl director (RNU) Nampibou Miranmai-a'n a kaihruai a; PIB Aizawl head of officer Dr Rejeev Lourembam-a'n thil pawimawhte a sawi bakah, Khadi and Village Industries Commission director Dr Vineet Chaturvedi-a'n KVIC chungchang a sawi a ni.

Phone bo 18 hmu

Lunglei police-te chuan July 2026 chhung khan moble phone bo report 30 an dawng a, chung zinga 18 chu an hmu let. Phone bo hmuh lette hi a neitute hnenah pek lêt vek a ni tawh.

Heroin hâl ral

Lunglei District Disposal Committee chuan nimin khan Lunglei AP Tlanga Incinerator Centre-ah heroin no. 4 gram 164.34 an hâl a, Rs 32,14,000 hûa chhût a ni. Ruihhlo hâlte hi Lunglei District Court-in a chinfel tawhte a ni a, hâlnaah hian Lunglei SP, SDO (Sadar), Excise & Narcotics Assistant Commissioner leh SDPO te an tel.