Police-in AK-47 pasarih an man

Thingsai Police Station-a police-te chuan nimin zing dar 8 vel khan AK-47 rifle pasarih leh a mu 2,050 an man.

Thingsai police-te hian an thu dawn bawhzuiin Tuiphai leiah maxicab MZ-02 A-8347 an endik a, AK-47 Rifle pasaih leh a mu 2,050 hmu chhuakin an man a ni.

Silai man kaihhnawihah hian mi pathum - Lalruatfeli (42) d/o Zopianga, Lunglei Chanmari-III nia inchhál, Lallunghnema (30) s/o Lengluai, Leisen, Myanmar leh maxicab khalhtu Mesak Lalvensanga (27) s/o C Lalduhawma, Cherhlun nia inchhál te an man nghal. Police-te hian silai leh a kengtute hi Hnahthial Police Station-ah nimin khan an hruai nghal a ni.

Police-te'n thu an zawhfiahnaah silai kengtute chuan, silaite chu Lungleia thlen tur a nih thu te, rifle chu pakhat Rs 5,00,000 zel leh a mu chu pakhat Rs 500 zela hralh tum a nih thu an sawi.