KMMTTP-a harsatna sawiho a ni

Adviser to chief minister Dr Lorrain Lalpekliana Chinzah, Lawngtlai East bialtu MLA hoin nimin khan Lawngtlai DC pisaah Kaladan Multi Modal Transit Transport Project (KMMTTP) kawnga leimin ṭhinna hmuna hmalak dan tur sawiho a ni.

Dr Lorrain Lalpekliana Chinzah chuan, leimin vanga KMMTTP kawngpui kal tlang theih loha a awm ṭhin chu veiawm a tih thu a sawi a, "KMMTTP hi nakkum maia hawn tur a nih angin sorkarin theihtawp a chhuah reng a, Ministry of Road Transport and Highways kaltlanga repair & maintenance hna thawk tur company-te inbun hmaa harsatna awmte chingfel turin hmalak a ni ang," a ti a; Chief Minister, PWD Minister leh PWD hotute hnenah DO letter thawn bakah, hmaichhanah harsatna an tawhte thlen a tum thu a sawi.

Lawngtlai bawrhsap Donny Lalruatsanga chuan, KMMTTP kawnga leiminte thenfai zung zung a nih theih nan mamawh hrang hrangte thuneitu sang zawkah ziaka thlen a nih tur thu a sawi bawk.

Ṭhutkhawmah hian Central YLA, VC Associa-tion leh MJA Lawngtlai District aiawhte an tel a ni.