Kum chanve chhungin mipa thi an tam; Nau piangah hmeichhia aiin mipa an tlem

Kumin 2026 kum chanve chhungin Mizoramah nau piang 10,643 leh mitthi 4,156 an awm. Mitthi zinga 63.69% chu mipa a ni a, nau piang zinga 50.49% chu hmeichhia an ni.

Economics & Statistics department-in a chhinchhiah danin, January - June, 2026 chhung khan Mizoramah nau piang 10,643 an awm a, mipa 5,269 (49.51%) leh hmeichhia 5,374 (50.49%) an ni a; piang zingah mipa aiin hmeichhia 105-in an tam zawk.

Kum chanve chhung vêk hian Mizoramah mitthi 4,156 an awm a, chu'ng zinga 2,647 (63.69%) chu mipa niin, mi 1,509 (36.31%) chu hmeichhia an ni a; hmeichhe thi aia mipa thi 1,138-in an tam zawk a ni.

January - June, 2026 chhunga piang zingah January thla khan piang 1,845 awmin, piang tam ber thla a ni a; mitthi tam ber thla June-ah mi 843 an thi. Nausen (kum 1 hnuai) thi 86, kum 1-5 inkar thi 23 leh thi saa piang 59 an awm.

Economics & Statistics department hian Mizorama khua/veng hrang hangah registration unit 893 an nei a, registration unit-te chuan an huam chhunga nau piangte leh thite chhinchhiahin, department-ah thla tin report an thehlut ṭhin a ni.