Kolasib NGO-te'n kawng chhia an enfiah; Contractor chungah an lungawi lo hle

Kolasib district chhunga National Highway 6, Pangbalkawn leh Rengtekawn Zero Point inkar chu kawng siamtu Tanor Engineering-in an siam lai mek a ni chungin lirthei tlan harsa khawpa a chhiat avangin khualzin phur lirtheite'n tlanna tlakah ngai loin lirthei an dintir. Hei vang hian nimin khan Kolasib All NGO Coordination Committee chuan kawng an enfiah a, an hrilh lawk chunga Tanor hotute hmuh tur an awm loh avangin an lungawi lo hle.