Lei laih chungchang dan inhrilhfiah

Aizawl Municipal Corporation chuan nimin khan AMC Auditorium-ah lei laih dilna buaipuitu engineer leh geologist te tan 'Sensitization Programme for Technical Personnel under the AMC Site Development and Slope Modifications Regulations, 2017' an buatsaih a; engineer 224, geologist 80, soil engineer panga leh firm aiawh mi pasarih an tel.

Khuallian H Lalremtluanga, Aizawl mayor chuan, thil awlsam duh vanga dan palzût lo tur te, mipui ban phaka awm tur te, rawngbawlna rilru pu chunga an thiamna leh finna te mi dang tan hmang turtein engineer leh geologist kal khawmte a chah.

Zirhona hi AMC joint commissioner Lalremruata Kullai-in a kaihruai a; AMC assistant engineer Lalnunmawia leh consultant geologist Jessy J Laltlanzauva ten AMC Site Development and Slope Modifications Regulations, 2017 chungchang leh lei laih dil dan an sawifiah a; Geologic Review Board member Lalbiakkima'n hriat tur pawimawh dangte a sawi. Report thehluh dan te, AMC SDSM Regulation-a pawimawh laite sawiho a ni bawk.