Lungleiah bawlhhlawh thliar dan inzirtir

Lunglei Municipal Council (LMC) hmalak-nain July 18, Inrinni khan sorkar laipuiin bawlh­hlawh thliar hran dan thar a siam Solid Waste Management Rules, 2026 chungchang Lungleia kawtthler hrang hrangah inzirtirna (street demons­tration) buatsaih a ni a; SWM Rules thar hi LMC-ah a taka kalpui thuai a ni dawn tih tarlan a ni.

SWM Rules 2026 hnuai­ah bawlhhlawh thliar dan thar siam a ni a, Supreme Court pawhin bawlhhlawh chi lia thliar hran (Four-stream Segregation of Waste) chu khauh taka kalpui turin thupek a chhuah tawh a, Mizoram sorkar pawhin hma a la nghal. LMC ruahmannain inzirtirna buatsaih a ni a, Lungleiah a taka kalpui thuai a nih dawn thu sorkar thu­chhuahin a tarlang.