Ruihhlo cheng vbc 60.58 hû tiral

Saitual District Drugs Disposal Committee chuan July 17, 2026 khan Champhai District Hos-pital-a bawlhhlawh hâlna (incinerator)-ah ruihhlo cheng vbc 60.58 hû an tiral a, deputy inspector general of police C Lalnunmawia'n a hmanpui.

Ruihhlote hi danin a phût angin boruak tihbawlhlawh a nih loh nan Champhai District Hospital Incinerator-ah uluk taka tihral a ni a; Rs 18,32,60,000 hûa chhût heroin kg 9.163 leh Rs 42,25,36,000 hû methamphetamine kg 52.817 a ni.

DIG C Lalnunmawia chuan, Saitual district police (DEF)-te ruihhlo kaihhnawih dan bawhchhiatna hmuh chhuah leh manna kawngah an thawhrim thu sawiin, an inpekna a fak a; ruihhlo donaah sorkar department hrang hrang leh district hrang hrangten thawhhona ṭha an neih a pawimawh thu a sawi.