Court thu angin mimal in ṭhiahsak a ni

C Zarzoliana s/o Pachhunga Chhangte ram, Chawnpui venga mi dangin in an sak chu nimin khan magistrate leh police-te kaihhruaina hnuaiah khawl (excavator - JCB) hmangin nawr chhiat a ni.

Thu dawn danin, C Zarzoliana, Dawrpui hian Chawnpui venga a ramah mi dangin in an sak avangin court-ah a zualko a; court chuan July 2, 2026 khan order a chhuah.

Court order-a a lan danin, C Zarzoliana'n a khinte chu, Chawnpui veng mi pathum - Ngurdailova s/o Vanlalnghaka, Vanlalliana s/o Pathiaua leh Lalremliana s/o Vanlalnghaka te bakah, Land Revenue & Settlement department an ni.

Court chuan C Zarzoliana chu a rama miin in an sak chu ṭhiat turin phalna a pe a; July 2, 2026-a Aizawl District Court-a civil judge (Senior Division)-II R Malsawmdawngzuala chuan July 15, 2026 ral hmaa ṭhiahna tur thupek a chhuah a, nimin khan sorkar hotute kaihhruaina hnuaiah in chhunga bungruate la chhuakin, ṭhiah a ni ta a ni.

Court chuan Aizawl DC chu in ṭhiah chungchang report July 15, 2026-ah court-ah thehlut turin a ti bawk.