Police-te'n sangha chi khat Manta Rays nia hriat an man

Champhai Special Task Force chuan July 7, Thawhlehni zan khan sangha chi khat, danin a humhalh Manta Rays (Gill Plates - Mobula Samkhuih) ni ngeia hriat kg 210 vel an man.

Champhai police-te hian Champhai pana tlan Bolero Maxx AS-01 TC-8784 chu an enfiah a, a khalhtu Rajiv Hussein Laskar (26) leh Jinuk Uddin Laskar (30) te an chuang a, Silchar, Assam lam mi an ni.

Lirtheiah hian Manta Rays ro nia hriat ip pakuaa dah kg 210 vela rit an hmu chhuak a; hrêng nghalin, a phurtute an man bawk. Sangha hi international black market-ah cheng vbc 2.30 hû vela chhût a ni a, Mizorama hetiang thil man tam ber ṭum a ni.

Police-te chuan an thil mante chu Wildlife dan hnuaia humhalh tlat a nih avangin, sangha, lirthei leh a phurtu mi pahnihte chu Champhai Forest Division-ah an hlan.