Agri Minister-in loneitute kaihruaitu ni turin department-a thawkte a chah

Agriculture & Farmers' Welfare (AFW) department chuan nimin khan Directorate conference hall-ah review meeting an nei a, AFW minister PC Vanlalruata'n hmanpuiin, department-a thawkte chu loneitute kai-hruaitu ni ngei turin a chah.

PC Vanlalruata chuan, AFW department hnuaia thawktute thawhrimna zarah department hmel a mawi hle tawh tih a sawi a, "Mizoramah Green Revolution a thlen ve theih nan ṭan kan lak a ṭul hle a, hna thawhnaah mahni mawhphurhnate 100% kan pe thei lo a nih pawhin 90% tal pe thei turin ṭan kan lak a ngai. Sorkar hnathawkte hi loneitute kaihruaitu kan nih ngei a ṭul," a ti.

Agriculture department hnuaia scheme-te tihlawhtling turin rinawm leh ṭhahnemngai taka mipui tana thawh a ngaih thu sawiin Minister chuan, "Hmasawnna tluantling a awm theih nan hmun hrang hranga scheme kalpui dan enfiah reng a pawimawh," a ti a; thlai tharah Mizoramin hma sawn viau mah se, loneitute tan a hlutna tihpunna lam ngaihtuah a ṭul thu a sawi.

Review Meeting hi AFW department-a secretariat, direc-torate, district leh block-a officer-te telin, AFW secretary Ramdinliani'n a kaihruai a, director Vanram-thangi pawhin thu a sawi a ni.