Disaster Risk Reduction chungchang rêl

Disaster Management & Rehabilita-tion (DMR) minister Prof. Lalnilawma hoin nimin khan a pisaah DMR hotute'n ‘Disaster Risk Reduction and Resilience Building Capacity of North East India’ kalpui mek zûlzuiin ‘Disaster Risk Re-duction in Mizoram’ kalpui dan tur an rêl.

Prof. Lalnilawma chuan, Mizoramah ruahtui a tlak tam avangin leimin leh tuilian a thlen fo thu a sawi a, "Mipui-te'n harsatna nasa zawk an pumpelh theihna turin lei laih dan, in sak dan leh leivung paih danah fimkhur a ngai. Ram changkang zawkte tih dan entawna zir chian hi a lawmawm a, Mizoramin kan zir ve theih apiang chu kalpui dan kawng zawn a ṭul," a ti.

Disaster Risk Reduc-tion and Resilience Building Capacity of NE India hi National Disaster Management Authority (NDMA), JICA, IIT-Guwahati leh hmarchhak state-te thawhhona hnuaiah kalpui a ni.

Thawhhona hnuaiah hmarchhak state aṭangin Japan rama training turin state hrang hrang official-te tirh an ni a, Mizoram aṭangin DMR joint director (OP) Francis Lallawmkima a tel a; ṭhutkhawmah hian Japan rama khuarel chhiatna a thlena an inhmakhua dan te, chhiatna an hmachhawn dan leh chhanchhuah hna an thawh dan te, Mizorama tih ve theih turte a sawifiah a ni.