MLA-in Dabgram Industrial Park tlawh

Lunglei West bialtu MLA T Lalhlimpuia chuan nimin khan Siliguri-a Dabgram Industrial Park a tlawh a; Park enkawltu West Bengal Industrial Infrastructure Deve-lopment Corporation hotute leh industry association hruaituten lo dawngsawngin, Park hnathawh dan leh kaphungte an lo hrilhfiah.

T Lalhlimpuia hi Mizoram sorkarin Kala-dan Multi Modal Transit Transport Project (KMMTTP) leh Railway project ten Mizo mipuiah nghawng a neih dan tur zir chiangtu tur Commit-tee a dinah chaiman a ni.

MLA T Lalhlimpuia hian Siliguri Industrial and Logistice Park a tlawh bawk a; bungraw dah khawm dan (warehousing) leh bungraw dah lailawkna lam (logistic) an kalpui dan te, sorkar leh mimalte thawhho dante a zawt. Mizorama rêl lut leh KMMTTP hman huna bungraw lut leh chhuak enkawl chungchanga tih entawn tur an zir a ni.

T Lalhlimpuia hi Study Committee-a member Zomuana leh Kolkata Mizo-ram House-a joint resident commissioner Zorem-thara Ralte ten an ṭawiawm.