Ruihhlo do chungchang sawiho a ni

Excise & Narcotics minister Lalnghinglova Hmar chuan nimin khan IPR Lianchhiari Rûnah 'Emerging Trends and New Challenges Faced by Mizoram' tih thupui zirhona a hmanpui.

Zirhona hi Social Welfare department, Women and Child Deve-lopment department, Health and Family Wel-fare department, Mizo-ram Police, Excise and Narcotics department, DIPR, Higher and Techni-cal Education depart-ment, IG Prison, School Education department, Aizawl DC, Assam Rifles, BSF, MRHCD, MSACS, Central YMA, MKHC, MDUF, FINGODAP leh SLCA NE III te ṭangho buatsaih a ni.

Lalnghinglova Hmar chuan, Mizoram sorkar leh pawl hrang hrangte'n ruihhlo donaah nasa taka hma an lak thu a sawi a, "Tun aia nasa lehzuala ṭan kan lak a ngai. Mizoram hi ram zîm tê a nih bakah, mi cheng kan tam loh avangin kan ṭanrual phawt chuan ruihhlo donaah beisei tur a awm a ni," a ti.

Social Welfare director Sushil Singh chuan inlawmna thu sawiin, Mizoramah sorkar, kohhran leh khawtlang thawhhona a ṭhat thu a sawi a; damdawi hmansual chungchangah inzirtirna nasa zawka neih a ṭul thu a sawi.

END secretary C Lalruaia pawhin thu sawiin, "Mizoramin ruihhlo do kawnga a mamawh leh kalphung thar tur duan lâwk a, thiamna sang zawkte hmang ṭangkaia inher rem zel a pawimawh," a ti.

Zirhonaah hian mithiamte'n thupui hrang hrang an sawi a, sawihona leh zawhna leh chhanna hun hman a ni.