Darzo-ah Ford Tregear chei thar leh tum

Indian National Trust For Art and Culture Heritage (INTACH), Lunglei Chapter convener K Lalsanga, secretary JC Vanlal Hmuaka leh archaeologist Dr Lalhminghlua te chuan June 13, Inrinni khan Darzo khuaah Ford Tregear chei thar lehna tur khuhhawnna hun an hmang.

INTACH, Lunglei hruaitute hi Darzo VC leh tlawmngai pawl hrang hrang hruaitute nen an inkawm a, Darzo-a pipute sûlhnu hrang hrang humhalh dan tur an sawiho. INTACH hruaitute hian Tlaizawng ṭiak 1,000 an ken chu Darzo YMA hnenah an hlan a, YMA hian vawiinah hnatlangin an phun dawn a ni.

Darzo-ah hian kum 1890-a Vailian vawi hnihnaa kulh din, Ford Tregear te, missionary Pi Zirtiri (Edith Mary Chapman) sikul dinna te, Liandala chen tawhna hmunte a awm a; humhalha chei dan tur sawiho a ni.