2026-ah ruihhlo vangin mi 20 thi tawh

Excise & Narcotics department (END) chhinchhiah danin, kumin 2026-ah January aṭanga June 12 thlengin Mizoramah ruihhlo vangin mi 20 an thi. END-in an chhinchhiah chinah kum 1984 aṭanga June 12, 2026 thlengin ruihhlo vangin mi 2,017 an thi tawh.

Kumina ruihhlo vanga thi chhinchhiahte hi kum 19-42 inkar an ni a, mipa 17 leh hmeichhia pathum an ni. An zinga mi panga chu heroin ti ṭhin an ni a, a bak zawng chu heroin leh ruihhlo dang khawih pawlh an ni.

END hian kum 1984 aṭangin Mizorama ruihhlo vanga thi an chhinchhiah ṭan a; kum 1984 aṭanga June 12, 2026 thlenga ruihhlo vanga thi an chhinchhiah chu mi 2,017 an ni a, mipa 1,770 leh hmeichhia 247 an ni.

Mizorama ruihhlo vanga thi mi 2,017 chhinchhiah zingah proxyvon ti ṭhin mi 1,161, heroin ti ṭhin mi 312 leh ruihhlo chi khat aia tam tih pawlh ṭhin mi 544 an ni a; an vaiin kum 14-58 inkar vek an ni.