Ralthuam, heroin leh meizial man

Assam Rifles chuan June 11, 2026 khan New Vervek huam chhungah Manipur lam mite hnen aṭangin M4 Assault Rifle, silaimu pakua leh heroin gram 740 an man. Silai leh a mute hi Sakawrdai Police hnenah an hlan a, heroin-te chu Excise and Narcotics department hnenah an hlan thung.

Assam Rifles hian Mizoram Police thawhpuiin June 10, 2026 pawh khan Seling huam chhungah Myanmar lam mi Yening Ku nia insawi hnen aṭangin puak thei thil (improvised explosive device), antenna leh uniform-te an man tawh bawk.

June 11, 2026 vek khan Assam Rifles sipaite chuan Zemabawk North-ah ram dang siam meizial báwmpui (carton) 467 an man a, Rs 11,25,21,600 hùa chhût a ni. Foreign cigarette an mante chu - Mond Silver carton 148, Mond Apple Green carton 142, Mond Super Strawberry carton 84, Oris Silver carton 66 leh case 47, XSO Black Fruits carton 14 leh, Patron carton 13 leh case 45 a ni.