Police leh bank pahnihin MoU an ziak

Mizoram Police chuan nimin khan Police Headquarters-ah Bank of Baroda leh Canara Bank te thawhhona thuthlung, Memorandum of Understanding an ziahpui. MoU hnuaiah hian Mizoram Police mi leh sa, Bank of Baroda leh Canara Bank-a hlawh late'n hamṭhatna eng emaw zat an nei dawn a ni.

Bank pahnihte leh Mizoram Police hian January 2023 khan kum thum chhung atan MoU an lo ziak tawh a, nimin khan kum thum dang atan MoU an ziak leh a ni. MoU tharah hian Mizoram Police aiawhin IGP (Hqrs) H Ramthlengliana'n hming a ziak a, Bank of Baroda aiawhin deputy manager Diwakar Jha leh Canara Bank aiawhin Regional head Santanu Khandu ten hming an ziak.

MoU-ah hian Police mi leh sa, Bank of Baroda leh Canara Bank-a hlawh late tan hamṭhatna eng emaw zat a awm a; chu'ng zingah chuan Police mi leh sa, chetsualna (accident) vanga thite hnena Rs 1,00,00,000 (nuai 100) thleng pek leh eng vang pawha ramtuileiloa awmte hnenah Rs 50,00,000 (nuai 50) thleng pekte a tel. Insurance leh banking kaihhnawih thil hrang hrang a tel bawk.

Mizoram Police chuan, MoU chu Police mi leh sa leh chhungkuate tan sum kaihhnawih kawng hrang hrangah ngêlnghehna leh hmasawnna a thlen ngei an beisei thu an tarlang.