Sangha dah vawhna lirthei inhlân

Champhai District Fisheries Deve-lopment Office-in sangha dah vawhna lirthei (insulated refrigerator van) an buatsaih chu nimin khan Champhai district bawrhsap Mohammad Aaquib-a'n a kawltu leh enkawltu tur hnenah a hlan.

Insulated refrigerator van atan hian cheng nuai 18 vel sên a ni a, Fisheries department-in cheng nuai 12 a tum a, beneficiary atan thlan Lalrinawma, Champhai Vengthlangin cheng nuai 6 vel an seng ve thung.

Champhai Bawrhsap chuan, sangha vawn ṭhatna lirthei sorkarin a ruahmansak theihah hian a dawngtu tur tam zawk awm thei se a duh thu a sawi a; lirthei chu a dawngtu chauh ni lo, sangha khawitu dangte pawhin an hman ṭangkai theih tur a nih thu a sawi bawk. Lirthei inhlanna hi Champhai DFDO Lalremsangpuii'n a kaihruai a ni.