SIR chungchang puanzar dan sawiho

Election Commission of India (ECI) deputy director Apurva Kumar Singh chuan nimin khan Secretariat conference hall-ah Electoral Roll Special Intensive Revision (SIR) kalpui mek kaihhnawihah district media nodal officer-te a kâwm a, media & communi-

cation chungchanga hmalakna leh hma-chhawpte an thlirho.

Apurva Kumar Singh chuan, SIR chu India khua leh tui, electoral roll-a chuang theite kim taka thunna tur leh vote nei thei lote an tel lohna tura hmalakna a nih thu a sawi a, "Hlawhtling taka SIR kalpui a nih theih nan media kaltlanga zau taka puanzar leh hmalakna hrang hrangte tarlan a pawimawh a, ruahmanna fel tak duan a, chumi anga hmalak a pawimawh," a ti.

SIR kaihhnawiha hmalakna hrang hrang thlalak leh video te ṭha taka dahṭha a, media hrang hrang kaltlanga zau zawka thehdarh zel turin ECI Deputy Director chuan mawhphurtute a chah.

Ṭhutkhawm hi Mizoram joint chief electoral officer Ethel Rothangpuii'n a kaihruai a; district hrang hranga media nodal officer-te'n an hmalakna leh hmachhawpte an sawi a, sawihona leh zawhna leh chhanna hun hman a ni.