Hmun hnihah ruihhlo man a ni

Excise & Narcotics department (END) leh Central YMA hnuaia ruihhlo dotu Central Anti Drugs Squad (CADS) thawk dun chuan June 2, Thawhlehni chhun dar 12:10 khan Sihphir Neihbawi (Sethup Kâwn)-ah heroin gram 971 (hawng 67) an man.

END leh CADS hian heroin neitua puh mi pali - Daniel Mal-sawmdawngliana (47), Zokhawthar, Hifjul Bahar (27), Bhitargool, Karimganj, Assam, Suwar Uddin Laskar (47) leh Basir Uddin Laskar (26), Rajghat/Bagha, Cachar, Assam ve ve nia insawite an man nghal a; heroin phurhna lirthei pahnih - Santro car MZ-01 D-8202 leh Bolero AS-01 EU-9735 an hréng bawk. Heroin man hi Zokhawthar aṭanga an lak, Assam lam panpui a ni.

Saitual police-te pawhin June 1, 2026 zing dar 3 vel khan Keifang Kualmawia lirthei an endiknaah Churachandpur aṭanga Aizawl lam pan Bolero Neo MN-01 AX-0569 aṭangin heroin gram 587 an man. Heroin neitua puh Nengshi Haokip (51) d/o Jangsem Haokip, Salbung, Churachanpur, Manipur lakah NDPS Act tlawhchhanin Saitual Police Statoin-ah thubuai ziah luh a ni.