Tuialhthei man a pun belh leh

Nimin zing khan tuialhthei man a pung leh a, ni 11 chhunga a danglam vawi ngana a ni. Nimina tuialhthei man punna chu litre khatah petrol Rs 2.58 leh diesel Rs 2.56 a ni a; Aizawlah petrol man Rs 106.39 leh diesel man Rs 95.07 a ni mek.

West Asia (Middle East) buaina avangin India ramin leihriat lak luhah harsatna tâwk mah se, hun eng emaw chen chu tuialhthei man tihsan a ni lo a; May 15, 2026 khan tihsan ṭan chauh a ni. Ei rawngbawlna gas man chu a hmain tihsan a lo ni tawh.

May 15, 2026 khan petrol man Rs 3.02 leh diesel man Rs 2.89-in a pung a; a tûk May 16-ah petrol leh diesel man pawisa 6 ve vein a tlahniam. May 18 khan pawisa 80 ve vein a pung a, May 23, Inrinni khan litre khatah petrol pawisa 85 leh diesel pawisa 86-in a pung leh bawk. Nimin khan petrol man Rs 2.58 leh diesel Rs 2.56-in a pung leh ta a ni.