Kum hnih thum hnuah file-te 100%-a digitised theih beisei

Land Revenue & Settlement (LRS) minister B Lalchhanzova chuan, an department-ah kum hnih thum hnuah file-te 100%-a digitise theih a beisei thu a sawi.

LRS Minister hian nimin khan LRS department-a Assistant Commissioner (Revenue) North ṭhuthmun tura duan Aizawl DC pisa building chei ṭhat mek a en a; sorkar ruahmanna thar angin district revenue office-te chu district tina DC office-ah awm tawh tura ruahman a nih thu sawiin, "DC office building chung ber chei ṭhat mek hi zawh vat a nih ka beisei," a ti.

Mizoram sorkarin e-govern-ance a ngaih pawimawh thu sawiin B Lalchhanzova chuan, "District Revenue office leh DC office hnai taka an thawkho thei tur hian digitalisation lama Mizoramin hma a sawn theihna rahbi pawimawh tak a nih ka ring," a ti a, kum hnih thum hnuah chuan 100 percent-in file-te digital veka tih a nih ngei a beisei thu a sawi.

Assistant Commissioner (Revenue) North ṭhuthmun atana Aizawl DC building chei ṭhatah hian ceiling beam thlak, pindan siam belh leh chei ṭhat, lawi luhna awlsam zawk siam leh hna dang dangte a tel a ni.