E-stamping hmang turin inremna ziak

Land Revenue & Settlement (LRS) department leh Stock Holding Corporation of India (SHCIL) chuan ram lei leh hralh bakah, inremna ziahna atana hman ṭhin non-judicial stamp paper aiah e-stamping hman a nih theih nan nimin khan LRS minister B Lalchhanzova pisaah thawhhona thuthlung an ziak.

Thawhhona thu-thlungah hian Mizoram sorkar aiawhin LRS sec-retary Vanlalmawia leh SHCIL aiawhin regional manager (East & North East) Pritesh Kumar ten hming an ziak. E-stamping hi a bul ṭan nan Aizawl district-ah pilot project-a kalpui a ni dawn a, a tahtawlin district dangah pawh kalpui tura ruahman a ni.

Minister B Lalchhan-zova chuan, in leh lo lei leh hralh bakah, mimal leh pawl inkara inremna siam nemngheh nan non-judicial stamp hman ṭhin a nih thu sawiin, "Chu chu sorkarah register ṭhin a ni. Inremna azira stamp duty chawi a ngai ṭhin a, stamp duty chu lehkha (paper)-a lei ṭhin a ni," a ti.