Kan manifesto kan dah pawimawh - Aizawl Mayor

Aizawl mayor H Lal-remtluanga chuan, a kaihhruai Aizawl Municipal Corporation sorkar chuan inthlan dawna an party manifesto an dah pawimawh hmasak dawn thu a sawi.

Mayor atana lak luh a nih hnua a pisaa thuthar thehdarhtute'n an kawmnaah H Lalremtluanga chuan, bulṭan thar tur an nih thu sawiin, "AMC hi kum 15 a kal tawh a, kan hruaitu hmasate'n thil tam tak an ti a, theihtawp an chhuah. Kan thlen chin chu hetiang hi a ni rih," a ti.

Aizawl Mayor chuan, AMC kal tawh danah en-nawn tur te, siamṭhat ngaite leh thil ṭha chhunzawm turte a awm dawn thu sawiin, "Officer-te nen kan enho ang a, ruahmanna kan siam ang. Manifesto kan nei a, kan manifesto hi kan dah pawimawh dawn," a ti a; AMC inthlan dawna ZPM party-in manifesto-a an tarlante ngaih pawimawh hmasak tura an rel thu a sawi a ni.