Hindi thiam a pawimawh - Sawivunga

Aizawl South-I bialtu MLA C Lalsawivunga, minister chuan nimin khan a pisaah kumin HSLC leh HSSLC-a a bial chhung mi top 10-a tling mi pali hnenah lawmpuina a hlan a, laptop a pe. Minister chuan, English thiam a ṭhat rualin, Hindi thiam a pawimawh thu a sawi.

C Lalsawivunga chuan, zirna a pawimawh telh telh tih sawiin, "Zir chhuak satliah ni lo, Mizoramin a chhawr tlak thiamna sang neih a pawimawh. Tunlaiah zirlaite'n sap ṭawng an thiam vek tawh a, India rama awm kan nih angin vai ṭawng pawh kan thiam a ngai a, vai ṭawng kan ngaih pawimawh tak tak a hun tawh," a ti.

Zirna ngaih pawimawh rualin, ruih theih thil leh zûk leh hmuam thlenga fihlim a ṭul thu sawiin Lalsawivunga chuan, "A pawimawh ber chu Pathian malsawm tlaka nun a ni," a ti a; nasa zawka thawkrim a, Mizoram mai ni, India huap thlenga sang zawk thleng turin zirlaite duhsakna a hlan.