MRB-a thawkte'n lungawi lohna lantir

India rama Regional Rural Bank (RRB)-a thawkte hamṭhatna tur hrang hrang tihhlawhtlin a nih loh avangin Mizoram Rural Bank-a thawkte chuan nimin khan an Head Office-ah lungawi lohna an lantir.

Lungawi loh lantirna hi All India Regional Rural Bank Employees Association (AIRRBEA) ruahman anga buatsaih a ni a; Aizawl khawpui huam chhunga MRB branch leh office aṭangin thawktu mi 180 vel an tel.

RRB-a thawkte thil phût

✓ Promotion Rules leh Service Regulation PSB dangte nen inang tlanga siamṭhat.

✓ Casual worker thawk rei tawhte dah ngheh.

✓ Thawktute hamṭhatna hrang hrang 12th Bipartite Settlement-in a min phalsak anga PSB dangte nen inang tlanga hman.

✓ Performance linked incentives, cadre hrang hranga hna ruakte hnawhkhah.