Minister-te'n hmun him lo an enfiah

Disaster Management & Rehabilitation minister Prof. Lalnilawma leh Aizawl West-II bialtu MLA, minister of state Lalnghinglova Hmar te chuan nimin khan Dinthar venga leimin an enfiah a, DMR leh Geology and Mining mithiamte nen hmalak dan tur an sawiho.

Minister-te hi Dinthar Local Council hruaitute'n lei chêt ṭan dan an lo hrilh a, Zonal Officer-in hma an lak tan tawh dante a sawifiah. Mithiamte chuan, an zirchianna aṭang chuan in chu a rang thei ang bera ṭhiah a ṭul thu leh, a chhehvelah lirthei veivâk tihtlem a ṭul thu an sawi.

DMR Minister chuan, geologist-te leh DMR department-a kithiamte kaihhruaina hnuaiah tih tur ṭul ang ang tih vat a ngaih thu a sawi. Minister-te hian Tuikual South-a lei minna hmun an enfiah nghal bawk.