AMC sorkar vawiinah la lut dawn

Aizawl Municipal Corporatoin (AMC) sorkar chu vawiin chhun hian lak luh a ni dawn a; Aizawl bawrhsap Lalhriatpuia'n rinawmna thu tiamtirin a la lut ang.

Thu dawn danin, AMC sawrkar thar lak luhna hi AMC Meeting Hall-ah neih a ni dawn a; Aizawl Bawrhsapin thlan tlinte chu AMC corporator atan rinawmna thu a tiamtirin a la lut vek phawt dawn a, chumi hnuah mayor leh deputy mayor turte a la lut leh ang. Executive corporator turte pawh lak luh nghal an ni dawn bawk.

AMC-a sorkarna siam tur ZPM party chuan AMC sawrkar thara hotu turte an tichiang tawh a; Aizawl mayor atan H Lalremtluanga, Ward-VI leh deputy mayor atan R Lalawmpuii, Ward-XVI an thlang. Executive corporator atana an thlante chu - Christina Roluahpuii Sailo, Ward-VIII, Vanlalhruaia, Ward-XIII, Vanlalfaka, Ward-III leh K Lalrodinga Ward-XVIII te an ni.