Bio medical waste zirho a ni

Aizawl Smart City Ltd huaihawtin nimin khan PHE Engineer-in-Chief conference hall-ah bio-bedical waste chungchang zirho a ni a, State Advisory Committee on Bio-Medical Waste Management chairperson K Lalrinzuali, Health secretary-in a hmanpui.

K Lalzinzuali chuan, Bio-Medical Waste Rules, 2016-in a phût angin, felfai taka kum khat chhung Aizawl Smart City hmalakna hnuaia sak zawh tak Common Bio Medical Waste Treatment Facility, Tuirial Airfireld kaltlanga bawlhhlawh sawngbawlna neih a ni chu hmasawnna lawmawm tak a nih thu a sawi a; bio medical waste sawngbawl danah, danin ti tura a phût zâwm turin kal khawmte a ngen.

Zirhonaah hian Aizawl Smart City deputy chief executive officer V Lalruatliana'n Aizawl Common Bio Medical Waste Treatment Facility kal zel dan tur a sawifiah a; damdawi lam kaihhnawih bawlhhlawh paih leh sawngbawl chungchanga dan inzirtir a ni. Dan zawm lote chu lung-ina tàntir emaw, Rs 1,00,000 chin chawitir theih a ni a, ni tin Rs 5,000-a pungin inhremna ‘fine’ kenkawh theih a nih thu te tarlan a ni.