PMEGP loan late tan training buatsaih

Mizoram flagship programme Handholding hnuaia PMEGP loan late tan nimin khan MDTC Training Hall, Aizawlah training buatsaih a ni a, KVI Board chairman C Lalremliana'n a hawng.

Training hi ni 10 awh tur a ni a; Aizawl district aṭangin mi 25, Lunglei district aṭangin pali, Champhai district aṭangin pakhat, Kolasib district aṭangin pathum, Serchhip district aṭangin pakhat leh Lawngtlai district aṭangin mi pahnih an tel a, an vaiin mi 36 an ni.

KVI Chairman chuan, sorkar policy tihlawhtling turin Handholding hnuaia loan latute an pawimawh thu a sawi a, "Mi tam tak beidawnna karah pawh beidawng loa tuarchhel taka tih hram hram ṭhinte an hlawhtling ṭhin. Khawvel changkanna mil zelin keini pawh kan in upgrade ve zel a ngai," a ti.

Mizoram sorkarin Handholding a kalpui hnuah mi 179 training neihpui an ni tawh a ni.