MP-in Lungphun Ropui a tlawh

Rajya Sabha MP K Vanlalvena chuan May 4, Thawhṭanni khan Lianpui khuaa pipu sûlhnu awmna Lungphun Ropui a tlawh a; Lianpui khawtlang hruaitute leh pawl hruaitute nen an inkâwm.

K Vanlalvena chuan, hnam fing apiangin an pi leh pute sûlhnu an ngaisangin an humhalh ṭhat thu a sawi a; Lianpui khawtlangin Mizo pi leh pute sûlhnu ṭha taka an humhalh chu lawmawm a tih thu a sawi bawk.

Lungphun Ropui hi July 14, 2025 khan Archaelogical Survey of India chuan India rama hmun pawimawh bik, National Importance-ah a puang. Lianpui khua hi Zahmuaka thlah Palian lal Lianpuia thlangthlakna hmasa ber a ni a, a hming chawiin khaw hmingah Lianpui tih niin, Mizo ṭawng hmangah chuan Mizorama khaw upa ber zinga mi a nia sawi a ni.