MLA-te'n lawmpuina an hlan

Aizawl North-II bialtu MLA Dr Vanlalthlana, Education minister chuan nimin khan a pisaah a biala zirlai tiṭhate hnenah lawmpuina thuchei leh laptop a hlan.

Minister hian kumin HSLC leh HSSLC-a high school leh higher secondary school-a zirlai hlawhtlin vekna sikul panga - Holy Child School, Rosebud School, Ramthar Veng Presbyterian English School, St Joseph Higher Secondary School leh St Stephen's Higher Secondary School hnenah lawmpuina thuchei a hlan bawk.

Aizawl West-I bialtu MLA TBC Lalvenchhunga pawhin nimin khan a pisaah a biala sikul, kumin HSLC leh HSSLC-a zirlai hlawhtling vek neite hnenah lawmpuina a hlan. Lawmpuina hlante chu Chawlhhmun High School, Phunchawng Secondary School (RMSA) leh Ch Chhunga Senior Secondary School te a ni a, lawmpuina atan Rs 1,00,000 ṭheuh a pe a ni.