Mizoramin NCC award pariat dawng

Nimin khan Shillong, Meghalaya-ah National Cadet Corps (NCC) North Eastern Region (NER) Annual Awards 2025-26 sem a ni a, Mizoram aṭanga mi panga, zirna-in pahnih leh Air Squadron pakhat ten chawimawina an dawng.

NCC NER award pariat lai Mizoram aṭanga dawng thei an awm chu a lawmpui thu Sports & Youth Services minister Lalnghinglova Hmar chuan a tarlang a, "Award dawngte thinlung takin ka lawmpuiin ka chhuang. Ṭan la chhunzawm a, kum tharah award tam zawk dawng thei turin duhsakna ka hlan e," a ti.