Tui nú vangin tui pump a khaihlak - PHE Minister

Public Health Engineering (PHE) minister Prof. Lalnilawma chuan, tun hnai ruahsurah Tlawng lui a nut nasat ṭhin avangin tui pump a khaihlak ṭhin thu a sawi.

Thuthar thehdarh­tute zawhna chhangin PHE Minister chuan, Greater Aizawl Water Supply Scheme Phase I-in chawhrualin ni tin tui million litre (MLD) 7.95 leh Phase II-in chawhrualin MLD 11.70 a pump ṭhin thu a sawi a, "Ruahsur nasat vanga tui nut zawng 1,529 NTU a tlin ṭhin avangin tui pump a khaihlak fo. April 26 leh May 2, 2026 chhung hian tui nu nasa tak avangin darkar 46:08 chhung tui pump a ni lo," a ti.

Prof. Lalnilawma chuan, Mitigation Measures for Climate Change Impact on Greater Aizawl Water Supply Scheme Phase I&II Part A (SASCI) hnuaiah VT Jackwell Phase-I building leh Clearwater Pumphouse No-I, Phase I building sak ṭhat mek nih thu a sawi a; Strengthening of Aizawl Water Supply Scheme (SASCI) hnuaiah 1 meter Vertical Extension of Weir (Phase-II) thawh mek a nih thu a sawi bawk.

PHE MINISTER THUSAWI

☑ 37 MLD Water Treatment Plant (GAWSS Phase-III) aṭangin April 26, 2026 - May 2, 2026 chhungin tui million litre 62.613 Laipuitlangah pump chhoh a ni.

☑ April 27 tlai dar 6:21 (3,300 NTU) aṭanga April 29 zingkar thleng tui nu (high turbidity) vangin tui pump theih a ni lo.

☑ Tui nú vanga pump theih loh hun chhung hi darkar 20:29 a ni a, tui pump theih ni se, hemi chhunga tui pump theih zat chu million litre 16.582 a ni.

☑ April 29 zing dar 7-ah tui pump leh ṭan a ni.

☑ GAWSS Phase III aṭangin November 7, 2025-ah tui pump ṭan niin, May 2, 2026 thlengin tui million litre 1,669.011 Laipuitlangah pump chhoh tawh a ni a, ni tin tui million litre 9.483 pum ziah ang a ni.

☑ Tui nú (high turbidity) vangin ṭum sarih pump a khaihlak tawh a, a khaihlak hun chhung hi darkar 44:32 a ni a, darkar 44:32 chhunga tui pump theih zat chu million litre 35.760 a ni.