MUHCS zawm lo damdawi-ina enkawl, MUHCS-a senso hmuh theihte tarlang

Mizoram State Healthcare Society (MSHCS) chief executive officer Dr Lalhriatzuali Ralte chuan hriattirna (circular) tichhuakin, Mizoram Universal Healthcare Scheme (MUHCS) zawmtu damdawi-in ni loah damlo admit theih a nih thu leh, nunna chhanna atana enkawl hmanhmawh ngai (emergency) bik chauh MUHCS aṭangin senso hmuh let theih a nih thu a tarlang.

Dr Lalhriatzuali Ralte chuan, Chief Minister kaihhruaia February 16, 2026-a Governing Body ṭhutkhawm vawi 29-nain a rel angin, MUHCS 2.0 empanelled hospital ni lo (non-empanelled private hospital)-te'n MUHCS hmangtu damlo an enkawl theihte a tarlang a ni.

MUHCS zawmtu damdawi-in ni loa damlo enkawl, MUHCS 2.0 aṭanga senso hmuh let (bill) theihte chu - ICU-a enkawl nghal ngai damlo (cases requiring immediate ICU care), nunna chhanna atana zai nghal ngai (cases requiring immediate life saving surgical interventions) leh, chetsualna (accident) vanga hliam, nunna chhan nghal ngai (all accidental cases requiring life saving interventions) te a ni.