OSD to Chief Minister leh Director atan ruat

Tourism director R Lalrodingi chu April 30, 2026-a sorkar hna aṭanga superanuation pension-a chhuah hnuah OSD to CM atan ruat nawn a ni a, Tourism director hna a chelh tel dawn. Thla khatah lawmman (honorarium) Rs 35,000 pek tur a ni a, sorkar hnathawk nghette hamṭhatna ang a nei dawn lo.

Appointment thar ang chuan, R Lalrodingi hian May 1, 2026 aṭangin OSD to CM leh Tourism director hna a chelh ṭan a, Mizoram sorkara secretary tlukpui (rank) a ni. OSD to CM atan hian tun sorkar term chhung atan co-terminus-a ruat a ni a; Tourism director a nihna chu joint director ni mekin seniority-ah director a nih theih hun thleng emaw, order dang awm leh hma emaw atan a ni thung.