Corporator zingah LC ni lai 6 an awm

Aizawl Municipal Council (AMC) inthlan neih zawh tâka corporator atana thlan tlin zingah an awmna venga local council (LC) chairman, vice chairman leh member ni lai mi paruk an awm.

Ward I aṭanga thlan tlin Vanlalhriata chu Durtlang LC member ni lai a ni a; Ward X aṭanga thlan tlin PB Lallawmzuala chu LC inthlan hnuhnung berah Zotlangah thlan tlin niin, LC vice chairman a ni. Ward XII corporator atana thlan tlin Vanlalhruaia chu Dawrpui Vengthar VC/LC inthlanah ṭum ruk thlan tlin a ni tawh a, inthlan hnuhnung berah pawh tling lehin, LC chairman a ni mek.

Ward XV aṭanga thlan tlin VL Zamlova chu Bungkawn LC inthlang hnuhnung berah thlan tlin niin, chairman atan ruat zui a ni a; Ward XVII aṭanga thlan tlin Lalremruati Sailo chu Republic Veng LC member a ni mek. Ward XVIII corporator tur K Lalrodinga chu LC inthlan hnuhnung berah Salem Veng LC member atan thlan a ni a, LC chairman a ni mek a ni.

AMC corporator atana thlan tlin zinga LC chairman, vice chairman leh member ni mekte hi ZPM ticket-a thlan tlin vek an ni.