Kuhva rah man vangin lawm

Mizoram Kuhva Chingtu Pawl (MCKP) chuan thuchhuah siamin, ram leilung fa, kut hnathawktute hmakhua ngaia dan loa ram dang kuhva ro tawlhruk Mizoram Police-in an man ṭhin lawmawm an tih thu an tarlang.

Ram leilung fa kuhva chingtute'n Mizoram chhung leh pawn lama an thar chhuah ngei kuhva an hralhna dâltu, dan loa kuhva ro tawlhtute an dem tih tarlangin MCKP chuan, "Sorkar hmalakna kan thlâwp tak zet a ni. Dan loa kuhva tawlhruk dap chhuahna leh man chhuah an nih theihna tur kawngah engtik lai pawhin sorkar hmalakna kan thlâwp tlat," an ti.

MCKP chuan, Mizo mipuite chu ram leilung fa kut hna thawktute hma khawngaia kuhva tawlhruk dopui zel turin an ngen a; MKCP district headquarters, sub-headquarters leh branch hrang hrangte chu dan loa foreign kuhva tawlhrukte an huam chhung ṭheuhah veng tur leh police-te thawhpui ṭheuh turin an inhriattir a ni.