AMC-a vote tlate chhiar a ni dawn
April 21, 2026-a Aizawl Municipal Corporation (AMC) inthlanpui vawi linaa vote tlate chu tukin dar 8 aṭangin Aizawl DC pisaah chhiar ṭan a ni dawn.
AMC inthlanah hian vote 2,39,985 awmin, vote 1,50,640 (62.77%) a tla. Vote chhiarna atan hian counting hall pali siam a ni. Counting hall no. 1-ah Ward-I, Ward-II, Ward-III, Ward-IV leh Ward-V chhiar a ni dawn.
Counting hall no 2-ah Ward-VI, Ward-X, Ward-XI, Ward-XII leh Ward-XIII chhiar tur niin, counting hall no 3-ah Ward-VII, Ward-VIII, Ward-IX, Ward-XVI leh Ward-XVII chhiar a ni ang.
Counting hall no 4-ah chuan Ward-XIV, Ward-XV, Ward- XVIII leh Ward-XIX chhiar tur a ni. Postal ballot leh EVM chhiar rual a ni dawn.
Counting hall no 1 leh 4-ah vote chhiarna tur dawhkan 8 ve ve a awm dawn a, counting hall no 2 leh 3-ah vote chhiarna tur dawhkan 10 ve ve a awm ang. Ward hrang hrang round awm zat tur a in ang loa, round 2 aṭanga round 4-ah chhiar zawh tur a ni.
WARD CHHIAR
DAN TUR INDAWT
COUNTING HALL NO 1 : Ward-1, Ward-II, Ward-III, Ward-IV, Ward-V.
COUNTING HALL NO 2 : Ward-VI, Ward-X, Ward-XI, Ward-XII, Ward-XIII.
COUNTING HALL NO 3 : Ward-VII, Ward-VIII, Ward-IX, Ward -XVI, Ward-XVII
COUNTING HALL NO 4 : Ward-XIV, Ward-XV, Ward-XVIII, Ward-XIX