Larsapin DU-ah hun a hmanpui

Governor Gen. Dr Vijay Kumar Singh chu April 21, Thawhlehni khan Delhi University Convention Hall-ah Delhi University-a Department of Library and Information Science din champha vawi 80-na lawmnaah khuallian a ni.

Larsap chuan, public library leh lehkhabute chu ngaihhlut thar a pawimawh thu a sawi a, "Tun hma anga ngaihhlut an hlawh tawk ta lo hi a veiawm a, Europe ramte'n public library an dah pawimawh dante hi kan entawn a ṭul. Tun hma angin library ngaihhlut nachang kan hriat thar leh a ṭul a, tun hi library hlutna thar thawh leh hun chu a ni," a ti.

Zirna-ina library pawimawhna a inher danglam ve zel thu sawiin Gen. VK Singh chuan, "Library chu ram hmasawn nana inghahna pawimawh tak a ni," a ti a; zirna kawnga India sûlhnu ropui tak takte chhuanawm a tih thu sawiin, Department of Library and Information Science, Delhi University-in kum 80 hmel an hmu chu a lawmpui thu a sawi a, an kal zelna turah duhsakna a hlan bawk.

Inkhawm hi Delhi University vice chancellor Prof. Yogesh Singh-in a kaihruai a ni.