Rel kawng leh KMMTTP hawn turin nghawng a neih theihte zirho a ni

Mizoram sorkarin rêl kawng leh KMMTTP-in nghawng a neih tur zir chiang tura Study Committee a din, T Lalhlimpuia, MLA kaihhruai chuan nimin khan Aijal Club-ah 'Sensitization, Awareness and Consultation on Socio-Cultural and Economic Impact of the KMMTTP and Railway Line from Bairabi to Sairang' an buatsaih.

Zirnonaah hian Home minister K Sapdanga, adviser to chief minister pahnih Lalmuanpuia Punte leh TBC Lalven-chhunga, Lt Col Clement Lalhmingthanga, MLA; NGO hrang hrang aiawh, Mara leh Lai zirlai pawl hruaitu leh mithiam sawmbik eng emaw zat an tel.

Study Committee chairman T Lalhlimpuia chuan committee chu Chief Minister-in a ngaih pawimawh avanga din a nih thu sawiin, "KMMTTP hawn mai tur leh rel lo lut hi kan Zoram hma hun thlrin, engtin nge kan inbuatsaih thiam ang tihte kan sawiho dawn a ni," a ti.

T Lalhlimpuia chuan rel chu zin veivahna atan leh sumdawnna atan a ṭhat thu sawiin, "Mizo hi kan ral dawn lo, chim ral erawh kan ni thei, hnam awm mah ila, Mizo identity anga thu kan neih loh a, a ram neitu Tripuri-te tlanga an awmzo ang hi kan hmaah a awm ve tho mai," a ti a, mithiam leh ṭhalaite chu an ngaihtuahna seng turin a ngen.

Zirhona hun hi hun hnihah ṭhen niin, mi hrang hrangin thu an sawi bakah, kalkhawmte'n an ngaihdan an sawiho a ni.