Jail zirchianna hmangin seminar buatsaih
Synod Prison Ministry chuan a vawi khat nan April 18, Inrinni khan Champhai Kanan Presbyterian Kohhran hall-ah Mizorama jail zawng zawng an zirchianna hmangin seminar an buatsaih.
Seminar hi Champhai khawpui chhunga pastor bial pariat huap a ni a, kohhran aiawh, KṬP aiawh, Kohhran Hmeichhe aiawh leh Kohhran Pavalai Pawl aiawh pakhat ṭheuh ko khawm niin, mi 134 an tel.
Chawhmaah Rev. Dr Rosiamliana Tochhawng-in jail zirchianna hrang hranga kohhran leh ram tana inen lêtna tur a sawi a; chawhnuah Synod Prison Ministry director Rev. Lalhleia'n jail zirchianna a'anga kohhran, khaw-tlang leh chhungkuaa mawhphurhna leh hmasawnna turte a sawi.
Mizoram Synod chuan kum 1984 aṭangin jail-a rawngbawlna a ṭan a, kawng hrang hrangin rawngbawlna an nei zui zel a ni.
Synod Prison Ministry hian April 21, naktukah Khawzawl District Synod Prison Committee an din dawn bawk.