T Romana College-ah debate huaihawt

Women & Child Development (WCD) department leh T Romana College (TRC) Department of Sociology te chuan April 2, Ningani khan T Romana College hall-ah Intra-College Debate Competition an buatsaih a; thupui chu 'Hmeichhe chunga hleilenna hi hmeichhiate mawhphurhna a ni' tih a ni.

Debate hawngtu WCD director Zoramthangi Chhangte chuan, hmeichhiate hlutna leh humhimna atana WCD department hmalaknate sawiin, Mizo khawtlanga hmeichhiate en dan leh beisei danah her rem ngai a awm thu a sawi. TRC principal Dr Jenifer Lalbiakdik pawhin hmeichhia pawimawhzia leh hlutzia a sawi bawk.

Inelnaah hian TRC-a department hrang hrangte an intihsiak a; a ti ṭhate hnenah lawmman hlan a ni.