RD Minister-in thing kûi ṭiahna a tlawh

Rural Development minister Prof. Lalnilawma chuan April 2, Ningani khan a bial Ṭawi chhunga Maite khuaah RD department hnuaia thing kûi ṭiahna Community Nursery a tlawh. Nursery-ah hian thing chi hrang (variety) 28 kui ṭiaha enkawl mek niin, a vaiin thing ṭiak 50,000 vel a ni.

Prof. Lalnilawma chuan, nursery chu ram tana ro tling leh nakin thlenga ram leilung fate tana chhenfakawm thil a nih thu a sawi a, "Kum tin ram vah chereua a dah belh lam a tlem si chuan kum rei loteah mihringte'n kan tuar dawn," a ti a; mipuite chu theih ang tawka RD department hmalaknate thlawp turin a ngen.

Project hi RD department hnuaiah kum thum chhung atan ruahmanna (plan) siam niin, a tum ber chu rambuate thing phun khah leh a ni a; MGNREGA hnuaiah mipuite'n ramngaw siam a nih leh theih nana hmalakna a ni bawk.

Project senso tur cheng nuai 80 niin, kumin hi a kum hnihna a ni a; nursery-ah thing (variety) chi hrang hrang 28 kui ṭiaha enkawl mek niin, thing ṭiak hi 50,000 vel a awm mek a ni.

Nursery-a thing kui ṭiahte hi thing zai chi (commercial tree) te, damdawi (medicinal) atana hman chi te leh hmunhma cheimawi nana hman theih (avenue/ornamental tree)-te an ni a; thing ṭiak engemaw zat hi kumin chhunga sem hman tum niin, ni pawimawh bik leh Green Mizoram Day-ah te, convergence hna atante bakah sikulte'n a thlawna an phun tura sem tur a ni.