Saza kâptua puh man a ni

Saitual Forest Range-a thawktute chuan April 1, 2026 khan Mualpheng khuaah Mizoram state animal saza (serow) kaptu leh a sa rêp kawltua puh mi pakhat an man.

Sorkar thuchhuah tarlan danin, Saitual Forest Range-a thawkte chuan report an dawn bawhzuiin, pawi khawihtua puh mi pakhat in an dap a, saza sa ni ngeia rin hrang 39 leh a thin kg chanve an man. Pawi khawihtua puh hi April 1 khan Aizawl District Court-ah thubuai siamsak a ni a, judicial custody (jail)-ah dah nghal a ni.

Saza hi Wildlife Protection Act, 1972 hnuaia Schedule 1 hnuaia awm a ni a; Schedule 1 hnuaia ramsate chu tihlum emaw, a sa kawl emaw, satlaw chhar emaw pawh ni se, kum 3-7 thleng tàn theihna leh Rs 25,000 thleng chawi theihna a ni.