MP Vena'n Parliament-ah thu a sawi

Rajya Sabha MP K Vanlalvena chuan April 2, Ningani khan Parliament budget session-ah thu a sawi a; Indo-Bangladesh insumdawn tawnna turah a hmalakna vanga Khawthlang Tuipui lei dawh ṭan a ni chu a lawm thu a sawi.

Sorkar thuchhuah tarlan danin, MP K Vanlalvena hian session-ah hian kum 2021-ah Bangladesh ramri hrûla BSF camp eng emaw zat a tlawh thu a sawi a; BSF camp ṭhenkhat chu eng kawng mahin a pawh loh thu leh, chu'ng lai hmuna damlote pawh inkalpawhna kawng a awm loh avanga an thih phah ṭhin tih BSF hotute leh khawtlang hotute'n a hnena an lo thlen thu a sawi a ni.

K Vanlalvena chuan, harsatna sutkian a nih theih nan Union Home Ministry-ah Khawthlang Tuipui chungah lei dawh tura ngenna a thlen thu a sawi a; a ngenna ngai pawimawha Khawthlang Tuipui lei dawh ṭan a nih tak avanga a lawm thu a sawi bawk.