Kohhran ṭhalaite'n thisen an pe

March 28, Inrinni khan kohhran ṭhalai pawl parukin thisen unit 304 an pe. ṬKP, Bawngkawn Bial chuan BCM, Chaltlang Sunday School Hall-ah Synod Hospital tan unit 72 an pe a, petute mipa 64 leh hmeichhia pariat an ni a; KṬP, Phulpui Branch-in an kohhran hall-ah ZMCH tan unit 64 pein, petute mipa 46 leh hmeichhia 18 an ni.

Civil Hospital, Aizawl tan ṬKP, Aizawl Central Bial chuan thisen unit 71 pein, petute mipa 52 leh hmeichhia 19 an ni a; ṬKP, Ṭhuampui Unit member mipa pariat leh hmeichhia pahnihte'n unit 10 an pe. Adventist Youth Federation-in unit 59 an pe a, petute mipa 48 leh hmeichhia 11 an ni.

KṬP, Tlabung Chawnpui Bial pawhin Tlabung Chawnpui SS Hall-ah Civil Hospital, Lunglei tan unit 28 an pe bawk a, petute mipa 23 leh hmeichhia panga an ni.